da Pié » ven giu 09, 2023 18:45 pm
Calza a pennello: al gatt cristian, di Don Luigi Bearesi
Un Gatt cristian
In pultrona gh'è un gattein cl'è
nassì cul camisein;
la padrona l'è una sciura tütta cipria e patnadura.
Quand l' as leva a la matteina l'ag
prepèra la pappeina;
po 'l la mëtta in sal cüssein e in
sal müs l' ag dà un basein.
Me vuriss mandâl a scola,
'g manca appena la parola ;
l'è tant fürb,l'è bon cmé 'l pan :al
mé gatt l'è un gatt cristian !
Reverendo, c'al ma scüsa,
me sum timida e cunfüsa ; gh'ho
in sla bucca l' emussion e con lü
g'ho sügission...
C'al m' asculta un brisinein : vuriss
fâ battsâ...un gattein.
Câra siura, me'g rispond:
l'è una roba ad l'âtar mond !
Me sariss un fôralegg'
e fariss un sacrilegg' !
C'al ga peinsa sura, Don : g'ho
in dla bursa des milion !
Astu prett l' ha ditt, l'ha fatt
e un bell dé l' ha battsâ all gatt.
Po in cusciinsa gh' é vegn câd e
l'è andâ in dal Vescuvâd.
Eccellenza, me ho sbagliè,
cal pardona, ho fatt un pcâ
Ho cedì a la tentasion
d'una donna….dmand pardon.
Sarà stâ una debulëssa,
ma tra via la tristëssa !
In segrett, dimm : cus'ét fatt ?
Eccellenza, ho battsâ un gatt !
Oh, che scandul, don Ruman !
Ma pôl dâs un gatt cristian ?
Sì però sta tentassion
l' ha früttâ bein des milion !
T'è fatt bein, al me curatt,
in d'un mond cl'è piin ad gatt !
ghé dill mamm seinsa un fiulein,
al so post a gh'è un gattein !
Bell affari des milion !...
dess ascultam, fa attension :
al battëss at l'è fatt te,
ma la cresma….la fag me !!
evviva la burtleina!